قبل الرجوع الي عمل الليزر فنحب ان نبحث و نشاهد التجارب السابقة و نتعلم منها الفوائد و الضرر من هذا الخطوه
ياحباايب احبيت افيدكم بتجربتى مع الليزر” لاأزاله الشعر الغير مرغوب فيه”لأنى و أنا ابحث
عشان اشوف اروع مركز و أحسن دكتورة لليزر شفت بناات كثيير يسألوا عن الليزر, و ما لقوا اجابة و أنا من
ضمنهم.. بحثت فالمنتديات عن ليزر فمكة لقيت عده خيارات منها :
1_عيادات الصاعدى ..وفيها الدكتورة نهلة و مني >>علي ما أضن مو متأكدة من الاسماء.. و كثييير فتيات مدحوهم و مدحوا شغلهم و شطارتهم.
2_مستوصف الخلود الطبي..فى شارع الحج طريق النزهه..فية دكتورتين ليزر و جهازهم جنتل ما ن..
كمان هدا كثير فتيات مدحوا و حدة من الدكترتين اللى فية .ودوامهم من 4العصر الى10 الليل.. 3_عيادات
الصفوه..لة فرعين الاول بالعزيزية فعماره الراجحى سنتر و فية دكتورة حديثة لان الاولي اللى كانت بالمركز
وكان زحمة بسببها انتقلت للفرع الثاني و هى الدكتورة فايزة ابراهيم. و الفرع الثاني فالستين شارع ام القرى..
المهم هدا اللى لقيتة فالنت ,قلت بتوكل علي الله و بروح لمستوصف خلود لأن اسعارهم معقولة بالنسبه
للباقى ,رحت قالت لى و الله الدكتورتين مو مداومات و حدة بأجازة و الثانية =ما جات اليوم عندها ظرف
طارىء..قلت طيب كيف الاسعار..؟ قالت الساقين1200بـريال و الكاش لخمس جلسات
بـ5000ريال و اليدبـ500ريال و الابطبـ500ريال و الدفع كاش مقدم لخمس جلسات بيصبح بـ1300ريال و البكيني
ب600ـريال بالتاكيد للجلسة الواحدة و اللى بتسوى يحتاجلها 5الى7جلسات علي حسب استجابه جسمها.
المهم طلعت لان الدكتورة مو فية .وأنا راجعة للمنزل شفت لوحة بها اعلان عن عياده روضه الاقصي مسوين خصم 40%
علي الليزر قلت حلو و أدق عليهم قالت لى الاسعار كألاتي: الساقين 550بـريال و اليدبـ500ريال و الابطبـ500ريال
والبكينى ب500ريال قلت حللو الاسعاار حلوة بس قلت ما بمرهم اليوم بخلية بكرة احسن..وبحثت بالنت ما لقيت اي شيءعنهم .
كلمت الأستقبال قالت:جهاز الليزر توة و صل عشان كدا مسوين خصم و الدكتورة مصريه.وسألتهم عن الاسعار
مرة ثانية =عشان اتاكد قالت الرجل الوحدة بـ550ريال و الثنتين بـ1000أستغربت صرااحة ما فهمت عليهم زين
.. المهم قلت ما لى الا الصفوة اللى فالراجحى معروف و كثير ناس جربوا عندهم و الله يعيننى علي الدفع
والنصب لان البنات يقوولوا اسعارهم نار,,واشوف النت الا البنات يمدحون الدكتورة فايزة و يقولون اسعارها رووعه
وانها طيبة و اخلاقها فوق كدا عسل ..المهم اكلمهم قالوا
ى الفرع الثاني موجودة و دوامها من 2الظهر الى10الليل
وأسعارها للجلسة الواحدة كالاتي: الساقين بـ600ريال و اليدبـ400ريال و الابط بـ400ريال و البكينى ب400ريال
مررة عجبتنى اسعارها و كماان كلاام البنات عنها و عن شغلها.. ..خيرة لى سبحان الله ما رحت خلود او الاقصى
والله استخرت الله قبلها بليلة لانى جميع ما سألت احد قالى روحى جدة و أنا بصراحة تعب على جدة لاني
حامل..توكلت علي الله اليوم الاثنين و رحت للصفوة الفرع الثاني دخلت عن فايزة زى العسل ياافتيات و الله لا
.اعرفها و لا تعرفنى بس سبحان الله ارتحت اول ما شفتها كثير,قلت بسوى عندك الساقين و البكينى و قلت تراي
حامل بالشهر الاول ..قالت عاددى بس ادا انتى خايفة لا تسوى البكينى بس هو ما فية ضرر..المهم بدات برجلي
فية الم بسيط زى الوخزات لايدكر ,وأحسن شيء انها هى اللى تسوى بنفسها مو الممرضة زى الباقين ..أما البكيني
أنا سويت لنفسى هى علمتنى و خلتنى اجرب علي يدها .. قالت الجلسة الثانية =بعد شهر و ثم يصير جميع شهرين
,وقالت يبغالك خمس جلسات تقريبا.. و طلعت الحمدللة و انا راضية و مرتاحه..وسلامتكم.. بس حبيت افيدكم بتجربتى و خااصة بناااااات مكه
