كاسات الصامولي بالدجاج روعه صور

اكواب دجاج حلوة حقا – اكواب الصامولى بالدجاج حلوة صور

اكواب الصامولى بالدجاج


أول شى نصيحة تسوون حشوه دجاج كميه كبار يعنى دجاجتين او 3

وتعلبونها او تكيسونها بعد ما تبرد و تتفرزن

 

الحشوه ..

نسلق دجاج انا كميتى كانت دجاجتين عشان اكلات ثانية =بسويها فـ نفس الحشوة

نقطع بصل و فلفل بارد و نبشر جزر و نقطع بقدونس و شبت << الأخير اختياري

بعد ما يخلص الدجاج ننتفة و نقطعة برضو عشان يطلع حجمة صغير

 

ونكون مجهزين اللى قلت لكم نقطعها ( الخضار )

 

الخضار ( بصل – بقدونس – جزر -فلفل رومي)

 

نحط اول شى البصل على النار مع شويه زيت و لو حابين تحطون معة ثوم يمكن زى ما تحبون

نقلبة لحد ما يذبل خفيف و ثم نحط علية الجزر المبشور بعدين بشوى نحط الدجاج و نقلبهم

كلهم مع بعض و نحط عليهم البهارات اللى نبيها

من ناحيتى احط

ملح

بهارات مخلوطه

شويه ما جى ابيض

كزبره ناشفة مطحونه

فلفل اسود و شوى احمر حار

واقلبهم لحد ما احسهم اندمجوا تمام مع بعض ازيد عليهم البقدونس و الشبت

نجيب كيس صامولى و لو قديم ( قاسى شوى ) ترا عادى بينفع قوه بعد

ونقطعة لـ 3 قطع او حسب رغبتكم و تفرغونة من جوا بس ( انتبهوا لا توصلون للقاع )

ندهنة بخلطة احبها جدا جدا و معتمدة عندى بالذات بالساندوتشات او هالطبخه

2 معلقة جبن سايل

1 معلقه خردل ( مسترد )

2 معلقه ما يونيز

جدا لذيذة معها

 

ندهن جميع اطراف الصامولى من جوا ( خليكم كريمين و قت الدهن تطلع احلي )

 

ثم نحط جواتها الحشوه ..

 

بممكن تكون خلاص الكيفية هنا خلصت بس عشان تكون اطعم و شكلها احلى

يا اما نرش عليها جبن موتزريلا او جبن شرايح ..

انا استعملت جبن شرايح و قطعتة بالطول و حطيتة علي شكل +

علي و جة جميع حبه ..

 

او يمكن تقطعونة بالقطاعة بأى شكل تحبونة و يعجبكم و بيعطى شكل حلو بالتقديم

بس هالكيفية شوى مكلفة يعنى تسوونها للناس السبشل

 

بعد ما سوينا الكميه كلها نحطهم بصينيه و على الفرن و ما راح تطول ابد 10 دقايق و طلعوها