كاسات دجاج روعه حقا – كاسات الصامولي بالدجاج روعه صور
كاسات الصامولي بالدجاج
أول شي نصيحه تسوون حشوة دجاج كمية كبيره يعني دجاجتين او 3
وتعلبونها او تكيسونها بعد ما تبرد وتتفرزن
الحشوة ..
نسلق دجاج انا كميتي كانت دجاجتين عشان طبخات ثانيه بسويها فـ نفس الحشوة
بعد ما يخلص الدجاج ننتفه ونقطعه برضو عشان يطلع حجمه صغير
ونكون مجهزين اللي قلت لكم نقطعها ( الخضار )
الخضار ( بصل – بقدونس – جزر -فلفل رومي)
نحط اول شي البصل ع النار مع شوية زيت ولو حابين تحطون معه ثوم ممكن
زي ما تحبون
نقلبه لحد ما يذبل خفيف وبعدين نحط عليه الجزر المبشور بعدها بشوي نحط الدجاج ونقلبهم
كلهم مع بعض ونحط عليهم البهارات اللي نبيها
من ناحيتي احط
ملح
بهارات مخلوطه
شوية ماجي ابيض
كزبرة ناشفه مطحونه
فلفل اسود وشوي احمر حار
واقلبهم لحد ما احسهم اندمجوا تمام مع بعض ازيد عليهم البقدونس والشبت
نجيب كيس صامولي ولو قديم ( قاسي شوي ) ترا عادي بينفع قوة بعد
ونقطعه لـ 3 قطع او حسب رغبتكم وتفرغونه من جوا بس ( انتبهوا لا توصلون
للقاع )
ندهنه بخلطه احبها جداً ومعتمده عندي بالذات بالساندوتشات او هالطبخه
2 ملعقه جبن سايل
1 ملعقة خردل ( مسترد )
2 ملعقة مايونيز
جداً لذيذه معها
ندهن كل اطراف الصامولي من جوا ( خليكم كريمين وقت الدهن تطلع احلى )
بعدين نحط جواتها الحشوة ..
بممكن تكون خلاص الطريقه هنا خلصت بس عشان تكون اطعم وشكلها احلى
يا اما نرش عليها جبن موتزريلا او جبن شرايح ..
انا استخدمت جبن شرايح وقطعته بالطول وحطيته على شكل +
على وجه كل حبة ..
او ممكن تقطعونه بالقطاعه بأي شكل تحبونه ويعجبكم وبيعطي شكل حلو بالتقديم
بس هالطريقة شوي مكلفه يعني تسوونها للناس السبشل
بعد ما سوينا الكمية كلها نحطهم بصينية وع الفرن وماراح تطول ابد 10 دقايق وطلعوها
